Nakadawat ug prestiheyosong pag-ila ang mga personahe sa Coast Guard Sub-Station (CGSS) Dapitan gikan sa Coast Guard District Southwestern Mindanao (CGDSWM), tungod sa malampusong Search and Rescue (SAR) operation nga gipahigayon niadtong milabay nga Abril 22, 2026 sa Aliguay Island ug sa kasikbit nga kadagatan
Ang maong awarding ceremony gihimo ubos sa pagpangulo ni District Commander COMMO Rejard V Marfe PCG, Coast Guard District Southwestern Mindanao (CGDSWM), atol sa Monday Morning Colors sa Coast Guard Station (CGS) Zamboanga del Norte nga gipahigayon niadtong 04 Mayo 2026, diin ang nangulo sa awarding mao si CDR Romel B Dua PCG.
Usa kini ka talagsaong pagdayeg sa kaisog, walay paglubad nga debosyon sa katungdanan, ug hapsay nga paghatod sa serbisyo publiko nga gidumalahan sa personahe sa CGSS Dapitan, pinaagi ni LTJG Rosseau Z Clerigo Jr PCG.
Ang search and rescue award nagpunting sa ilang pagpasiugda sa dali nga pagtubag sa yunit, taas nga lebel sa kaandam sa operasyon, ug makanunayon nga pasalig sa pagluwas sa mga kinabuhi sa dagat diin gipakita sa mga personahe ang talagsaong koordinasyon ug propesyonalismo sa pagsiguro sa kaluwasan sa mga indibidwal nga anaa sa kalisdanan.
Subay sa mandato sa Philippine Coast Guard sa maritime safety ug humanitarian service, gipamatuod niini ang padayon nga pagbantay sa mga personahe ug ang hinungdanon nga papel niini sa pagpanalipod isip usa sa ilang responsibilidad nga mapauswag ang kinabuhi ug seguridad sa kadagatan sa tibuok lugar.(MEDALYN U. BORJA)
Source: Cgs Zamboanga del Norte