Gisugdan sa City Government of Dapitan ang registration alang sa Batang Dasig: Free Sports and Arts Summer Camp 2026 niadtong Mayo 4, diin daghang kabatan-onan ang mitambong sa Government Center Lobby aron makakuha og slot.
Sukad sa buntag, nagpadayon ang pag-abot sa mga bata ug batan-on uban sa ilang ginikanan aron makaapil sa programa nga molungtad gikan Mayo 11 hangtod Hunyo 5, 2026.
Kabahin kini sa inisyatibo ni Mayor Evelyn “Belen” T. Uy nga nagtanyag og libre nga training sa 17 ka disiplina alang sa mga beginner nga edad 5 hangtod 16, lakip ang 12 ka sports sama sa arnis, basketball, chess, tennis, sepak takraw, swimming, table tennis, taekwondo, skimboarding, volleyball ug athletics.
Apil usab ang mga kurso sa arts ug kultura sama sa dance, journalism, modeling, theater, painting o drawing ug voice lessons, samtang gikinahanglan sa mga magparehistro ang waiver ug consent form, medical certificate ug pamatuod nga residente sa Dapitan City aron masiguro ang ilang kaluwasan ug kahanduman sa programa.(JENIFFER JR. DELICA)
Source: City Government of Dapitan