Giluwas sa mga personahe sa CENRO Guipos ang usa ka saltwater crocodile nga natanggong sa fish pen sa Barangay Pampang, Lapuyan, Zamboanga del Sur, mga alas 8:00 sa buntag niadtong Hulyo 14, 2023.
Sila si Barangay Kapitan Daud Satar ug Barangay Tanod Ayob Kumikas ug Willie Enidal sa nahisgutang barangay niasoy nga usa sa ilang mga residente nitaho nga usa ka dakong buaya ang natanggong sa fish pen.
Gilayon sila nga miadto sa lugar ug nadiskubrehan nila ang isa ka buaya nga napiit. Wa mag-usik og panahon, ilang gi-report sa CENRO Guipos ang insidente.
Sa pagkadawat sa impormasyon, ang team gikan sa CENRO Guipos pinangulohan ni Forest Ranger Gil Ferddel N. Huelar, Hepe sa Wildlife Unit, uban nila ni Forest Ranger Rene B. Wacan ug Lito Miguel A. Cabildo mipaingon sa maong lugar ug naluwas ang usa ka baye nga Saltwater Buaya nga adunay gitas-on nga 7.65 ka tiil.
Base sa inisyal nga assessment nga gihimo sa team, ang wildlife morag stress apan walay timailhan sa kadaot. Gihatod dayon nila ang buaya sa DENR IX Regional Wildlife Rescue Center sa Baclay, Tukuran alang sa tukmang obserbasyon ug pag-atiman.
(Source: DENR Zamboanga Peninsula Facebook page)