Hugtanong gipatuman sa mga personahe sa Dapitan City Police Station ang Cascading of Basic Radio and Telephone Operations, Procedures and Preventive Maintenance, diin kini gipahigayon didto mismo sa ilang Estasyon, nga atua nahimotang sa Road 17-A, sa Barangay Dawo, sa dakbayan sa Dapitan, ning Probinsiya sa Zamboanga Del Norte, niadtong nakalabay’ng adlaw, Hulyo 26, 2025 sa may alas 7:45 sa buntag.
Ang nasangpit nga inisyatiba, gipangunahan ni Pcpt. Edwardo C Galo, ubos sa Superbisyon ni Pltcol. Eva Joy E Capurcos, ang Officer-In-Charge sa Dapitan City Police Station, diin matud nga ang tumong niini, mao ang pagpalig-on sa kapasidad sa ilang Team, sa pagdumala sa Vital Communication Systems, alang sa mas epesiyente nga serbisyo nga ilang maitugyan ngadto sa Publiko o sa mga Dapitanon.
Nasayran nga ang Dapitan City, usa sa pinaka hapsay ug malinawon nga dakbayan sa tibuok Zamboanga Peninsula, diin mao kini ang gustong magpabilin nga sitwasyon ni Pltcol. Capurcos nga ang Dapitan magpadayon ang kahapsay ug kamalinawon, alang sa dugang pang kalambuan ning maong syudad.(Julius Esmade)