Dipolog: Calamity Fund sa 3rd Quarter PDRRMC meeting, gitutukan

Mokapin sa 45 ka mga attendees ang present sa gipahigayong 3rd Quarter Provincial Disaster Risk Reduction and Management Council (PDRRMC) Meeting nga gipahigayon Setyembre 29, sa Plenary Hall, Convention and Exhibition Center, Estaka ning dakbayan sa Dipolog.

Sa unang agenda, ang PDRRMO mapasigarbuhon sa ilang mga nahimong kalampusan sa pagkahimo niining Regional Gawad Kalasag Awardee ug nahimong National Level qualifier.  Ang buhatan padayon usab karon sa ilang Basic Life Support/CPR training ilabi na sa mga Job Orders nga maoy gibansay karon aron maoy dali matawag sa mga emergency and calamity operations.

Mas gitutukan pag-yo sa konsenho ang Annual Investment Plan sa PDRRMO pinanguluhan ni Engr. Alberto Dimasuhid Jr. alang sa tuig 2024 nga mukabat sa 158.2 million pesos nga gilangkuban sa Prevention and Mitigation, Disaster Preparedness, Disaster Response ug Disaster Rehabilitation and Recovery Programs.

Ang maong pahat gikuha kini sa Calamity Fund gikan sa National Tax Allocation (NTA) sa lalawigan sa Zamboanga del Norte.

Giaprobahan gilayon ang proposed Annual Investment Plan sa PDRRMO ni Gov. Jalosjos aron sa pinal nga implementasyon niini.

(Source: Provincial Information Center ZaNorte Facebook page)