Gibisita ni LtCol Jessie G. Bergonia, Commanding Officer sa 97th Infantry (KALASAGLAHI) Battalion, 1st Infantry “TABAK” Division, Philippine Army, ang nagkalain-laing CAA Patrol Base sulod sa Area of Operations sa yunit aron masusi ang kahimtangan sa kahilwasan ug morale sa mga tropa.
Atol sa iyang pagbisita, nakigpulong si LtCol Bergonia sa mga personnel sa Citizen Armed Force Geographical Unit (CAA), gisusi ang ilang working conditions, ug naghatag og giya aron mapalig-on pa ang kahandaan, disiplina, ug kaepektibo sa yunit.
Gipasiugda usab niya ang importansya sa panaghiusa, propesyonalismo, ug padayon nga serbisyo sa komunidad isip pundasyon sa kalampusan sa misyon sa yunit.
Tumong sa maong bisita ang pagsiguro nga ang tanang patrol base andam kanunay sa pagpatuman sa ilang buluhaton sa pagmintinar sa kalinaw ug seguridad sa ilang tagsa-tagsa ka lugar.(IKEN B. GULLEM)
Source: 97th Infantry “Kalasaglahi” Batallion