Misalmot sa gipahigayon nga “Smart Agriculture for Sustainable Development: Forum on Innovative and Climate-Resilient Agriculture Technologies” ang magtutudlo gikan sa College of Agriculture na si Mr. Renante Villalon, niadtong Agosto 13, 2026, sa Dipolog City, Zamboanga del Norte.
Ang maong forum nagpakita sa mga teknolohiya sa agrikultura nga “smart” ug lig-on batok sa epekto sa klima (climate-resilient), lakip na ang agricultural robotics, automated nga sistema sa irigasyon ug paggamit sa biofertilizer, biological nga pamaagi sa pagkontrol sa peste, ug mga teknolohiya alang sa pag-ila sa mga peste ug sakit sa tanom.
Sa samang higayon, nakadawat ang Basilan State College (BaSC) og Plaque of Recognition gikan sa DOST Zamboanga Peninsula pinaagi sa Project SARAI CeNTRO tungod sa bililhon niining panag-uban ug suporta sa malampusong pagpatuman sa DOST-SARAI Zamboanga Peninsula Regional Hub atol sa kalihokan.
Usa ka paagi sa pagpakita sa padayon nga pasalig sa BaSC sa pagpalig-on sa mga panag-uban ug sa pagpalambo sa makabag-o ug malungtarong agrikultura.(MEDALYN U. BORJA)
Source: BaSC-College of Agriculture