Usa ka DISASTER RESPONSE TRAINING & WATER SAFETY Activity ang gipahigayon sa mga personahe sa buhatan sa Bureau of Fire Protection Region 9 Sindangan Zambonga del Norte niadtong Nobyembre 15, 2024.
Ang maong aktibidad gipangulohan ni FSINSP FRANCIS CARL T PAULITE, Municipal Fire Marshal diin usa ka diskusyon kabahin sa Disaster Preparedness and Water Safety Seminar alang sa kawani sa A & R Beach Resort nga nahimutang sa Brgy. Binuangan, Sindangan, ZDN.
Usa kini ka lakang alang sa mga partisipante sa pagpalambo ug pagbaton sa responsibilidad sa pisikal ug mental nga kaayohan sa mga partisipante alang sa pagpangandam sa kaluwasan sa komunidad sa bisan unsa nga mga emerhensya o katalagman nga masinati.
Alayon usab niini nga mapaambit ngadto sa ilang kaedad ang kahibalo sa inadlaw-adlaw nga kinabuhi sa pagpasiugda sa kaluwasan. (Medalyn U. Borja)
(Source: BFP R9 Sindangan Fire Station)