Sa tinguha nga mapalalom ang koneksyon sa komunidad, mipahigayon og direkta nga ayuda ang 1st Zamboanga del Norte Provincial Mobile Force Company (1st ZNPMFC) didto sa Brgy. Potungan ning siyudad sa Dapitan.
Sa pagpanguna ni PLTCOL Ryan Jay R. Capurcos, gipangunahan sa 2nd FOB Platoon ang paghatag og tulo (3) ka kilo nga bugas ngadto sa usa ka residente nga nanginahanglan ug suporta.
Kini nga inisyatiba kabahin sa mas lapad nga papel sa kapulisan nga dili lamang nagpunting sa seguridad, kondili naglakip usab sa aktibong pag-atiman sa kaayohan sa katawhan.
Sumala sa ZNPMFC, ang maong lakang nagpakita nga ang serbisyo publiko mahimong ipadayag pinaagi sa konkretong aksyon, bisan sa yano nga paagi, nga adunay direktang epekto sa komunidad.(IKEN B. GULLEM)
Source: Zamboanga del Norte 1st Provincial Mobile Force Company