Nanghatag og bottled water ang Zamboanga del Norte 2nd Provincial Mobile Force Company (PMFC) sa mga habal-habal drivers ug residente sa Poblacion samtang nagpadayon sa ilang patrol operations, isip tubag sa grabeng kainit nga gibati karong panahona.
Ang mga nakabenepisyo mao ang mga biyahero ug pumoluyo nga gikan sa nagkalain-laing barangay nga miadto sa sentro sa lungsod aron mamalit sa ilang adlaw-adlaw nga panginahanglanon.
Sumala sa 2nd ZNPMFC, ang maong lakang gitumong aron makatabang sa paglikay sa heat-related illnesses ug mahatagan og dali nga kahupayan ang mga tawo nga nabikil sa init.
Gipasiugda usab sa kapulisan nga bisan sa ilang regular nga operasyon sa seguridad, nagpadayon gihapon sila sa pagpakita og malasakit sa komunidad pinaagi sa yano apan mahinungdanong buluhaton.(IKEN B. GULLEM)
Source: Zamboanga del Norte 2nd PMFC