Aktibong mitambong ang Bureau of Fire Protection (BFP) – Zamboanga del Norte sa 3rd Quarter Joint Provincial Peace and Order Council (PPOC), Provincial Anti-Drug Abuse Council (PADAC), ug Provincial Development Council (PDC) Meeting nga gipahigayon niadtong Septiyembre 9 sa Provincial Hall, Zamboanga del Norte Convention and Exhibition Center, Dipolog City.
Mihulip isip representante ni FSUPT Richard C. Timosa, DSC, Acting Provincial Fire Marshal sa BFP Zamboanga del Norte, si SFO2 Jeserel S. Escototo, nga aktibong miapil sa mga diskusyon ug deliberasyon kabahin sa mga isyu ug programa nga may kalabotan sa kalinaw ug kahapsay sa probinsya, kaluwasan sa publiko, kampanya batok ilegal nga droga, ug kalamboan sa lalawigan.
Nahimong hinungdanon nga plataporma ang maong miting alang sa pagpalig-on sa koordinasyon ug pakigtambayayong tali sa nagkalain-laing ahensya sa gobyerno ug mga stakeholder sa probinsya.
Pinaagi sa hiniusang paningkamot, gitinguha nga mas mapalambo ang mga inisyatibo alang sa kalinaw, seguridad, kaluwasan sa komunidad, kampanya batok droga, ug malungtarong kalamboan sa tibuok Zamboanga del Norte.
Padayon usab nga gisuportahan sa BFP Zamboanga del Norte ang mga inisyatibo sa provincial government ug mga kaubang ahensya aron mapalig-on ang public safety ug mapanalipdan ang katawhan batok sa nagkalain-laing hulga sa kaluwasan ug seguridad.(IKEN B. GULLEM)
Source: BFP R9 Zamboanga del Norte Provincial Office