Mitambong ang mga personahe sa BFP Turno Fire Sub-Station sa hiniusang Greyhound Operation kauban ang mga law enforcement agencies sa Dipolog City District Jail–Female Dormitory sa Lower Dicayas, Dipolog niadtong Septiyembre 21, 2026.
Gipangulohan ni SFO1 Reymar B. Pacaldo, Acting Sub-Station Commander, uban nila FO1 Joseph Harvey M. Sagan, FO1 Reenson M. Per ug FO1 Vincent Jhan A. Seña, ang partisipasyon sa BFP sa maong operasyon nga gipangulohan sa personnel sa Dipolog City District Jail–Female Dormitory ubos ni SJO1 Marigold M. Pamittan, Officer-in-Charge.
Gitumong sa operasyon ang pagpalig-on sa seguridad ug kahapsay sulod sa correctional facility pinaagi sa hiniusang pagpatuman sa mga lakang sa seguridad sa nagkadaiyang ahensya.
Gipakita usab sa kalihokan ang importansya sa koordinasyon ug panaghiusa sa mga ahensya aron mapreserbar ang kaluwasan dili lamang sulod sa jail facility, kondili apil usab ang komunidad.(MEDALYN U. BORJA)
Source: BFP R9 Turno Fire Sub-Station