Misalmot sa gipahigayon nga coastal clean-up ang mga benepisyaryo sa TUPAD sa Gil Sanchez, Labason, Zambonga del Norte niadtong Septiyembre 22, 2026, isip ilang direktang kontribusyon sa paglimpyo ug pagpanalipod sa baybayon.
Ang mga benepisyaryo, nga giila sa Department of Social Welfare and Development (DSWD) gikan sa Geographically Isolated and Disadvantaged Areas o GIDA ubos sa Peace and Development–Buong Bansa Mapayapa (PD-BBM) Program, mitampo sa nasangpit kalihokan.
Gipangulohan ug gisuportahan ang kalihokan pinaagi sa Municipal Environment and Natural Resources Office (MENRO), Municipal Agriculture Office (MAO), ug Public Employment Service Office (PESO).
Gipasiugda sa maong kalihokan nga ang TUPAD dili lamang naghatag og temporaryong trabaho, apan nahimong higayon usab alang sa mga benepisyaryo nga makatampo sa kalimpyo sa komunidad ug pagpreserbar sa mga coastal areas.
Pinaagi sa hiniusang paglihok sa mga benepisyaryo ug lokal nga mga opisina, gipalig-on ang panawagan alang sa usa ka mas limpyo, hapsay ug malungtarong komunidad sa Labason.(MEDALYN U. BORJA)
Source: Peso Labason