Gihatagan og dugang panginabuhian nga oportunidad ang mga benepisyaryo sa TUPAD human sila gibansay sa tempura making pinaagi sa TESDA Provincial Training Center sa Sindangan, niadtong Septiyembre 21, 2026.
Ang skills training gitumong alang sa laing batch sa mga benepisyaryo sa Tulong Panghanapbuhay sa Ating Disadvantaged/Displaced Workers (TUPAD) nga giila sa Department of Social Welfare and Development (DSWD) gikan sa mga Geographically Isolated and Disadvantaged Areas o GIDA, lakip ang mga wala pa o kulang og serbisyo nga komunidad sa Labason, Zamboanga del Norte.
Kabahin kini sa Peace and Development-Buong Bansa Mapayapa (PD-BBM) Program, diin gihatagan og praktikal nga kahibalo ang mga partisipante aron makapangita og dugang nga tinubdan sa kita.
Pinaagi sa pagbansay sa paghimo og tempura, gilauman nga magamit sa mga benepisyaryo ang ilang bag-ong kahanas sa pagsugod og gamay nga negosyo o income-generating activity isip dugang suporta sa panginabuhian sa ilang mga pamilya.(MEDALYN U. BORJA)
Source: Peso Labason