Nagpasiugda ug Exit Drill In The Home (EDITH) Campaign ang mga personahe sa Salug Municipal Fire Station ubos sa pagdumala ni FINSP Ricky L. Bunac, Acting Municipal Fire Marshal, isip kabahin sa padayon nga kampanya sa Bureau of Fire Protection (BFP) alang sa kaluwasan ug kahandaan sa sunog, kaniadtong Oktubre 21, 2025.
Gipahigayon sa mga bombero ang house-to-house visit diin gitudlo ug gipakita nila ang tukmang paagi sa pag-andam ug pagpraktis sa emergency exit plan sulod sa panimalay. Gipasabot usab sa mga personahe ang importansya sa regular nga pagdrill aron masiguro nga andam ang matag miyembro sa pamilya kon adunay emerhensiya sa sunog.
Pinaagi sa kampanya, gidasig sa BFP ang mga pamilya nga, ilhon ang mga luwas nga agianan sa gawas sa balay, magpraktis ug fire exit drills labing menos kaduha matag tuig, ug magtudlo ug ligtas nga tagboanan sa gawas kon adunay emerhensiya.
Matud pa ni FINSP Bunac, ang EDITH usa ka praktikal ug epektibong paagi sa pagpalig-on sa kahandaan sa komunidad, nga mahimong hinungdan sa pagluwas sa kinabuhi ug kabtangan panahon sa sunog.(Iken B. Gullem)
Source: BFP R9 Salug Fire Station