Mikalas og duha ka tawo sa lain-laing insidente sa pagkalumos sa probinsya sa Sugbo, nga naghatag og pahimangno sa mga residente nga magbantay kon anaa sa dagat.
Una nga insidente nahitabo sa Barangay Madridejos, Alegria niadtong Oktubre 20, 2025, diin usa ka 15-anyos nga babaye nga PWD ang nakaplagang patay ug naglutaw sa dagat.
Sumala sa imbestigasyon, gibiyaan kini sa iyang inahan sa balay aron mobayad sa ilang bills sa lungsod. Pagbalik sa inahan, wala na ang bata ug ulahi lang siya nasayod nga nalumos na kini. Gidala pa sa MDRRMO Alegria apan gideklar nga patay ni Dr. Clarisa Cardona.
Sa laing bahin, alas 2:00 sa kaadlawon sa Oktubre 21, usa ka 45-anyos nga lalaki nga nailhan nga si Mark Ritchie Estrella Narvasa sa Barangay Población, Asturias, ang nakaplagan usab nga patay sa dagat.
Milakaw kini alas 11 sa gabii aron mamana apan wala na mopauli. Ang pamilya nagtuo nga posibleng gi-atake kini samtang nanagat, hinungdan sa iyang pagka-lumos.
Tungod sa sunod-sunod nga insidente, nagpahimangno ang mga otoridad sa Sugbo nga likayan ang paglangoy o pagpanagat nga walay kauban, ug siguruhong adunay kasayuran sa kahimtang sa panahon ug balod aron malikayan ang trahedya.
I via Renante Socia Lada