Opisyal nang giablihan ang “1st PD’s Cup 2026 for a Cause – Pickleball Tournament” nga nagpunting sa pagpalig-on sa panaghiusa ug kahimsog sa mga personahe sa Bureau of Fire Protection (BFP) ug ilang mga kauban, niadtong milabay nga adlaw.
Gipahigayon ang opening program sa ZANECO Pickleball Court sa Barangay Minaog, diin gipangunahan sa Acting Provincial Fire Marshal nga si FSUPT Richard C. Timosa ang paghatag sa mensahe nga nag-awhag sa espiritu sa kooperasyon ug disiplina sulod sa serbisyo.
Misunod usab ang mensahe sa suporta gikan kang Mrs. Zorayda D. Ayson, usa ka lokal nga negosyante, nga nagdasig sa mga partisipante sa pagpakita og tinuod nga sportsmanship ug panagkahiusa.
Ang ceremonial serve maoy opisyal nga nagtimaan sa pagsugod sa duwa, simbolo sa panagtinabangay ug maayong kompetisyon tali sa mga manlalaro.
Kini matud pa, ang kalihokan usa ka paagi sa pagpalig-on sa panag-uban, kahimsog, ug moral sa mga miyembro sa fire service community.(IKEN B. GULLEM)
Source: BFP R9 Zamboanga del Norte Provincial Office