Nagpahigayon kaniadtong Abril 11, 2026 og consultative meeting ang R-PSB Team sa Zamboanga del Norte 2nd Provincial Mobile Force Company (ZNPMFC) ubos sa pagdumala ni PLTCOL Edwin D. Verzon uban sa COCOB Alsa Masa Farmers Association sa Barangay Cocob.
Gihisgutan sa maong tigum ang plano nga agricultural crop training nga ipatuman sa Philippine Coconut Authority (PCA) ug ipahigayon sa TESDA, nga maglakip og 45 ka adlaw nga pagbansay ug scholarship alang sa mga kwalipikadong partisipante.
Apil usab sa agenda ang implementasyon sa Enhanced Gasang Bahandianun Umahun (EGBU) Program sa Provincial Government, nga nagtumong sa pagpalambo sa agrikultura ug panginabuhian sa mga mag-uuma sa probinsya.
Sumala sa PNP, ang kalihokan kabahin sa ilang padayon nga paningkamot sa pagpalig-on sa komunidad pinaagi sa pakigtambayayong ug mga programang panginabuhian.(IKEN B. GULLEM)
Source: Zamboanga del Norte 2nd PMFC