Dali nga miresponde ang EMS personnel sa Labason Fire Station sa usa ka emerhensiyang medikal sa Barangay Imelda, Labason diin usa ka lalaki ang nakaangkon grabeng samad sa lawas.
Pag-abot sa lugar, ilang nakit-an ang biktima nga nakahigda apan buhi, adunay samad sa ulo nga posibleng seryoso, uban pa sa giingong bali sa wala nga bukton ug mga samad sa abaga ug tuhod.
Sa walay paglangan, gihimo dayon ang pagsalbar nga mga pamaagi lakip ang pagpahunong sa pagdugo, pag-amping sa liog, ug pag-immobilize sa mga samdanang parte sa lawas aron malikayan ang dugang kadaut.
Gidala dayon ang biktima sa Labason District Hospital alang sa paspas nga medikal nga pag-atiman, samtang padayon nga gipakita sa rescuers ang kapaspas sa pagluwas sa kinabuhi sa komunidad.(JENNIFER JR. DELICA)
Source: BFP R9 Labason Fire Station