Usa ka Fire Incident Simulation ang gipahigayon sa mga personahe sa Bureau of Fire Protection Mutia sa Purok 1 ug Purok 2, Barangay New Siquijor,Mutia Zamboanga del Norte niadtong Agosto 24,2026.
Ang maong simulasyon gihimo pinaagi sa pagdumala ni SFO2 Lemuel R. Descallar ,Acting Municipal Fire Marshal,isip kabahin sa mga kalihokan sa “Damayan sa Kapitbahayan,” sa mga personahe sa BFP.
Kini nga aktibidad gihimo aron masulayan ang kaandam sa mga residente kung adunay sunog aron sa ingon masusi ug mapalambo ang kaandam sa mga residente,emergency response teams, ug mga lokal nga opisyal sa epektibong pagtubag sa mga emerhensya nga may kalabotan sa sunog.(MEDALYN U. BORJA)
Source: BFP RIX CRS Mutia