Midangop dayon ang Bureau of Fire Protection Liloy Municipal Fire Station Shift B sa usa ka insidente sa sunog nga nahitabo sa Barangay Fatima niadtong Enero 1, 2026, ubos sa pagpangulo ni Municipal Fire Marshal Fire Inspector Dave C. Dela Cruz.
Pag-abot sa mga bombero sa lugar ug human sa hustong assessment, gipahimutang ni FINSP Dela Cruz ang First Alarm status aron mapugngan dayon ang pagkaylap sa kalayo. Tungod sa paspas ug organisadong operasyon, napailalom sa kontrol ang sunog ug pormal nga gideklarar nga fire out.
Walay napaulat nga nasamdan o namatay sa maong insidente, samtang padayon ang kahandam sa BFP Liloy sa pagpanalipod sa katawhan ug kabtangan, ilabi na sa panahon sa mga kalihokan sa pagsugod sa Bag-ong Tuig.(JENIFFER JR. DELICA)
Photo Courtesy: BFP R9 Liloy Fire Station