Miresponde dayon ang Emergency Medical Service personnel sa Liloy Municipal Fire Station sa usa ka aksidente sa kadalanan sa Barangay Causwagan, Liloy, Zamboanga del Norte, ubos sa pagdumala ni FINSP Dave C Dela Cruz, Acting Municipal Fire Marshal.
Pag-abot sa lugar, gisiguro sa EMS team ang kaluwasan sa palibot ug nakita ang usa ka lalaki nga pasyente nga anaa ra sa panimuot ug adunay pipila ka minor nga samad sa kamot ug sa ubos nga bahin sa tiil. Gitabangan ang pasyente padulong sa ambulansya alang sa agarang pag-atiman.
Gihatagan dayon kini og first aid lakip ang paglimpyo sa mga samad gamit ang povidone-iodine ug pagbutang og bandage, samtang gisubay ug gitala ang iyang vital signs. Stable ang kahimtangan sa pasyente atol sa pag-atiman.
Bisan pa sa tambag sa EMS personnel, midumili ang pasyente nga ipabalhin sa pinakaduol nga ospital. Padayon ang pahinumdom sa Liloy Municipal Fire Station sa publiko nga mag-amping sa dalan ug mag-report dayon sa mga emerhensiya aron malikayan ang mas seryosong kadaot.(JENIFFER JR. DELICA)
Source: BFP R9 Liloy Fire Station