Aron andam sa umaabot nga epekto sa Tropical Storm Basyang (#BasyangPH), aktibo nga nagtinabangay ang mga kawani sa DSWD Field Office 7 – Central Visayas sa pagtukod og 30 ka modular tents sa Jagna Business Center Camp, Jagna, Bohol kagahapon Pebrero 5, 2026.
Kini nga mga modular tents magsilbing temporaryong kapuy-an alang sa mga kabus ug mga residente nga maigo sa bagyo.
Gipasiugda sa DSWD nga ang maong lakang kabahin sa ilang lakang nga preparasyon ug pagtubag sa panginahanglan sa katawhan panahon sa kalamidad.
Ang aksyon gibase sa direktiba ni Pangulo Ferdinand R. Marcos Jr. ug sa liderato ni Secretary Rex Gatchalian, aron masiguro nga andam ang ahensya sa pagtabang sa mga apektado.
Pinaagi sa mga modular tents, gitinguha sa DSWD nga maprotektahan ug matabangan ang mga pamilya nga posibleng maapektuhan sa bagyo.
Gipahimangnoan usab sa ahensya ang tanan nga magpabiling alerto ug mag-andam sa posibleng epekto sa bagyo, aron malikayan ang kadaut ug peligro sa kinabuhi.
Source: DSWD
I via Renante Socia Lada