LILOY, ZAMBOANGA DEL NORTE — Dali nga miresponde ang Emergency Medical Service personnel sa Liloy Municipal Fire Station sa usa ka aksidente sa kadalanan didto sa Brgy. Maigang, Liloy, ZDN niadtong Marso 27.
Gihatagan dayon og first aid ang pasyente pinaagi sa pag-stabilize sa naangol nga bahin gamit ang splint ug triangular bandage aron malikayan ang dugang kadaot.
Human niini, gibutang ang pasyente sa spine board alang sa husto nga immobilization sa wala pa dalhon sa ambulansya.
Padayon ang kahandaan sa BFP Liloy sa paghatag og paspas ug episyenteng emergency response sa komunidad.(JENIFFER JR. DELICA)
Source: BFP R9 Liloy Fire Station