Gibuhian balik sa dagat ang 42 ka Olive Ridley sea turtle hatchlings sa Dipolog Boulevard niadtong Enero 14, 2025, isip kabahin sa padayon nga paningkamot sa siyudad sa pagpanalipod sa kinaiyahan ug likas na yaman sa kadagatan.
Gipangulohan ang kalihokan sa OIC–Assistant City Environment and Natural Resources Officer Atty. Gratian Paul R. Tidor, uban ang koordinasyon sa Department of Environment and Natural Resources pinaagi sa CENRO Manukan Coastal Resources Management Unit, nga giya sa ilang Chief ug Forest Technician I nga si Jim V. Monterjar. Nasaksihan usab kini sa mga residente ug mga mahigugmaon sa kinaiyahan.
Nagpakita kini sa lig-on nga pan commitment sa City Government of Dipolog sa pagpanalipod sa mga pugad sa pawikan ug pagsiguro nga luwas silang makabalik sa ilang natural nga palibot. Ang mga pawikan adunay dakong papel sa pagmintinar sa balanse ug kahimsog sa atong marine ecosystem.(JENIFFER JR. DELICA)
Source: Dipolog City Government