LILOY, Zamboanga del Norte — Usa ka pasyente nga naangol sa aksidente sa Barangay Dela Paz ang gidali og responde sa Emergency Medical Service (EMS) personnel sa Liloy Municipal Fire Station alas 9:00 sa buntag niadtong Hunyo 15.
Pag-abot sa mga responder sa lugar, anaa na ang mga kapulisan ug ilang nakit-an ang pasyente nga naglingkod sa daplin sa dalan, adunay samad sa tuo nga kilay ug gagmayng mga garas sa duha ka kamot, tiil, ug tuo nga tuhod.
Gihatagan dayon og first aid ang pasyente lakip ang paglimpyo sa mga samad ug pagbutang og sterile dressing, samtang gikuhaan usab kini og vital signs aron masusi ang kahimtang niini.
Human sa inisyal nga pag-atiman, luwas nga gidala sa BFP ambulance ang pasyente ngadto sa Liloy Integrated Health District Hospital alang sa dugang medikal nga pagtambal ug ebalwasyon.
Sumala sa BFP Liloy, ang paspas nga pagresponde sa mga emerhensiya nagpabiling prayoridad aron masiguro ang kaluwasan ug hustong pag-atiman sa mga residente nga maapil sa aksidente ug uban pang krisis.(JENIFFER JR. DELICA)
Source: BFP R9 Liloy Fire Station