Nagpahigayon og gift-giving ang Leon B. Postigo Municipal Fire Station kagahapon, Nobyembre 22, 2025, ubos sa pangulo ni Acting Municipal Fire Marshal SFO1 Joemar Senarillos. Gitagaan og simple nga gasa ang pipila ka kabus nga pamilya sa Brgy. Talinga, Sitio Dadan isip bahin sa ilang pagpakabana sa komunidad.
Gipasabot sa BFP personnel nga ang kalihokan usa ka paagi sa pagpaambit sa panalangin karong holiday season ug sa paghatag og kalipay sa mga pamilya nga nagkinahanglan. Nagpasalamat usab ang mga residente sa ilang suporta ug presensya sa lugar.
Giawhag usab sa Fire Station ang publiko nga motawag sa ilang hotline o mo-message sa ilang Facebook page kung adunay emerhensiya.(JENIFFER JR. DELICA)
Source/Photo Courtesy: BFP R9 Leon B. Postigo Fire Station