Gipahigayon sa BJMP Siocon District Jail ang usa ka seminar alang sa mga cell leaders aron lig-onon ang ilang abilidad sa pagdumala, responsibilidad, ug maayong impluwensya. Gitungod kini sa pagdumala ni Acting Jail Warden JSINSP Achmed Aziz A. Pia.
Gidani ang mga cell leaders sa paglambo sa ilang kaugalingon ug sa pagtabang sa uban bisan pa sa kahimtang sa sulod sa bilanggoan. Gipasiugda usab sa seminar ang paghimog positibong lakang aron mahatagan og kahulugan ang ilang adlaw-adlaw nga responsibilidad.
Naglaum ang BJMP Siocon nga pinaagi sa maong kalihokan, mas mapaayo pa ang disiplina ug panaghiusa sa sulod sa jail facility aron masiguro ang hapsay ug malinawon nga pagpangdumala.(JENIFFER JR. DELICA)
Source/Photo Courtesy: Siocon District Jail