Gipahigayon sa BFP Katipunan personnel, ubos sa pagpangulo ni FINSP Richard A. Parame, Municipal Fire Marshal, ang unang adlaw sa Rescue Climb and Ladder Rescue Technique Training niadtong Agosto 25, 2026. Ang tulo ka adlaw nga pagbansay molungtad hangtod Agosto 27.
Giapil sa maong pagbansay ang mga personnel sa BFP ug responders sa Municipal Disaster Risk Reduction and Management Office o MDRRMO Katipunan aron mapalambo ang ilang kahibalo ug praktikal nga kahanas sa pag-akyat, paggamit sa hagdanan, ug lain-laing rescue techniques.
Pinaagi sa padayong pagbansay ug pagtinabangay, gipalig-on ang kahandam sa mga bombero ug responders sa pag-atubang sa lisod nga mga sitwasyon sa pagluwas ug pagresponde panahon nga nanginahanglan og tabang ang mga tawo.
Nagpadayon ang BFP Katipunan sa pagpalambo sa kahibalo ug kahanas sa ilang mga personnel aron mas andam sila sa pagresponde ug pag-alagad sa komunidad.(JENIFFER JR. DELICA)
Source: BFP R9 Katipunan Fire Station