KATIPUNAN, ZAMBOANGA DEL NORTE — Nag-deploy og personnel ang Bureau of Fire Protection sa Katipunan sa Katolikong simbahan sa lungsod isip kabahin sa OPLAN Semana Santa: Lakbay Alalay 2026.
Gipahigayon kini atol sa Mass of the Lord’s Supper ug Vigil of the Blessed Sacrament, diin gipwesto ang mga bombero aron masiguro ang kaluwasan sa mga deboto samtang nagpadayon ang relihiyosong kalihokan.
Gipasiugda nga gipahigayon ang operasyon uban sa koordinasyon sa Rural Health Unit ug Philippine National Police sa Katipunan, lakip ang pagbutang og Public Assistance Desk aron dali matubag ang mga emerhensya ug makatabang sa mga churchgoers.
Sumala sa BFP, kabahin kini sa ilang padayon nga paningkamot sa paghatag og luwas, malinawon, ug organisadong pag-obserbar sa Semana Santa alang sa tanang katawhan.(JENIFFER JR. DELICA)
Source: BFP R9 Katipunan Fire Station