Gipahigayon kagahapon, Oktubre 30, 2025, ang usa ka consultative meeting nga gipangulohan sa Department of Public Works and Highways (DPWH) – Zamboanga del Norte 1st District Engineering Office, aron hisgutan ang Construction and Improvement of Access Roads ubos sa Tourism Road Infrastructure Program (TRIP), partikular ang dalan padulong sa Maniway Peaks sa Rizal, Zamboanga del Norte.
Nagpasalamat si Mayor Marissa D. Manigsaca sa maong inisyatiba nga maghatag og dako’g kabag-ohan sa turismo ug panginabuhian sa komunidad. Gilauman nga pinaagi sa maong proyekto, mas mapaayo ang koneksyon sa mga lugar, mapalambo ang lokal nga negosyo, ug mas mapadali ang pagbisita sa katahum sa Maniway Peaks.
Kini nga kalihukan nagtimaan sa panaghiusa tali sa DPWH ug lokal nga pangagamhanan aron ipatuman ang mga proyektong makapahimsog sa turismo ug ekonomiya sa lungsod sa Rizal.(JENIFFER JR. DELICA)
Source/Photo Courtesy: Municipality of Rizal