Naglunsad og dialogue session ug IEC distribution ang kapulisan sa Dapitan City Police Station didto sa Barangay Oro niadtong Disyembre 29, 2025 isip kabahin sa Ligtas Paskuhan 2025.
Gipangulohan ni Police Staff Sergeant Manuel Projo III, CCAD PNCO, ubos sa direktang pagdumala ni Police Lieutenant Colonel Eva Joy E. Capurcos, Chief of Police, ang kalihokan nga nagtumong sa pagpahibalo sa komunidad mahitungod sa public safety ug paglikay sa krimen atol sa holiday season.
Pinaagi sa maong kampanya, gipalig-on sa kapulisan ang kahibalo sa mga residente sa kahinungdanon sa kooperasyon sa komunidad aron masiguro ang malinawon, luwas, ug hapsay nga pagsaulog sa Pasko ug Bag-ong Tuig.(JENIFFER JR. DELICA)
Photo Courtesy: Dapitan City Police Station ZNPPO