Midali og responde ang BFP Dipolog City Fire Station sa usa ka Emergency Medical Response incident sa Barangay Sangkol, Dipolog City niadtong Mayo 7, 2026.
Pag-abot sa lugar, nasuta sa rescuers nga ang pasyente conscious, coherent ug makalakaw pa, apan nagreklamo og sakit sa dughan, pagdugo sa ilong, ubo sulod sa pito ka adlaw ug pagsuka og dugo.
Gihatagan dayon og pre-hospital care ang pasyente lakip ang cold compress sa dughan ug likod samtang gisuplayan usab kini og face mask aron mamenosan ang kahasol sa iyang gibati.
Human sa inisyal nga pag-atiman, maampingong gipasakay sa stretcher ang pasyente ug padayong gimonitor sa EMS personnel samtang gihatud alang sa dugang medikal nga pag-atiman.(JENIFFER JR. DELICA)
Source: BFP R9 Dipolog Fire Station