Balhog karon sa prisohan homan masikop ang usa ka drug suspek,atol sa gipatuman nga buy-bust operation sa mga tinugyanan sa balaod,mga 3:45 ang takna sa kahapunon didto sa Brgy.Bandera Polanco, Zamboanga del Norte.
Ang maong dinakpan naila nga usa ka 21 anyos nga lalaki,kinsa gidakop sa mga personahe sa Municipal Drug Enforcement Team (MDET) sa Polanco Police Station tungod sa kasong paglapas sa RA 9165 (Comprehensive Dangerous Drugs Act of 2002).
Nakumpiska gikan kaniya ang gibanabana nga 1 ka gramo sa gituohang shabu nga mobalor og Php 6,800.
Ang mga nakumpiska nga drugas gidala ngadto sa Zamboanga del Provincial Forensic Unit alang sa laboratory examinations,samtang ang dinakpan nga suspek gipahibalo sa hinungdan sa iyang pagka aresto ug katungod sa konstitusyon sa dayaleko nga hingpit niyang nasabtan ug anaa na kini karon sa kostudiya sa Polanco MPS alang tukmang disposasyon.(MEDALYN U. BORJA)
Source: Polanco MPS, ZNPPO