Gipahigayon sa City Government of Dipolog, uban sa Department of Social Welfare and Development, ang UPLIFT Cash Assistance Payout niadtong Agosto 8, 2026 aron mahatagan og pinansyal nga tabang ang mga kwalipikadong benepisyaryo sa nagkalain-laing komunidad sa dakbayan.
Gipahigayon ang payout sa D’Food Hub and Events Center, Livelihood Skills Development and Enhancement Center, Turno Covered Court, ug Minaog Covered Court, diin gipaduol ang serbisyo ngadto sa mga benepisyaryo sa nagkalain-laing lugar.
Pinaagi sa Unified Package for Livelihood, Industry, Food, and Transport o UPLIFT, gihatagan og suporta ang mga benepisyaryo aron matabangan sa ilang mga panginahanglan samtang gipalig-on ang ilang panginabuhian ug kapasidad sa pag-atubang sa mga kalisdanan sa ekonomiya.
Gipakita usab sa maong payout ang koordinasyon sa City Government ug DSWD sa paghatag og pinansyal nga tabang ngadto sa mga kwalipikadong sektor sa komunidad.(JENIFFER JR. DELICA)
Source: Dipolog City Government