Nagpahigayon og feeding program ang Bureau of Fire Protection pinaagi sa Dapitan City Fire Station niadtong Marso 9, 2026 sa Canlucani Elementary School sa Barangay Canlucani, Dapitan City isip kabahin sa pagsaulog sa Fire Prevention Month 2026.
Ang kalihokan gipasiugdahan ubos sa liderato ni Acting City Fire Marshal Rommel M. Rojas ug gitumong sa paghatag og nutrisyon nga pagkaon sa mga estudyante sa eskwelahan aron masuportahan ang ilang panglawas ug kaayohan.
Sumala sa BFP, ang maong inisyatiba kabahin sa ilang paningkamot sa pagpalig-on sa serbisyo sa komunidad gawas sa pagresponde sa mga emerhensiya, samtang ginapalig-on usab ang pakig-uban sa komunidad.
Gilauman nga pinaagi sa maong kalihokan mas mapalambo ang kooperasyon tali sa BFP ug sa komunidad sa pagpalig-on sa kaluwasan ug kaayohan sa mga kabataan.(JENIFFER JR. DELICA)
Source: BFP R9 Dapitan City Fire Station