Gipahigayon sa Bureau of Fire Protection pinaagi sa Liloy Fire Station ang Crafting of the Emergency Response Plan for Business Establishments (ERPB)*niadtong Marso 6, 2026 sa Barangay Goaw, Liloy, Zamboanga del Norte aron matabangan ang mga establisyemento sa pag-andam sa husto nga plano sa pagresponde sa mga emerhensiya.
Ang kalihokan gipangunahan ni Acting Municipal Fire Marshal Dave C. Dela Cruz, diin gitudloan ang mga negosyante kung unsaon paghimo og organisado ug epektibong emergency response plan ilabina sa mga insidente sa sunog.
Sumala sa BFP, ang ERPB usa ka programa nga nagkinahanglan sa mga negosyo nga adunay klarong plano sa pag-atubang sa emerhensiya sulod sa ilang establisyemento aron masiguro ang kaluwasan sa mga empleyado ug kustomer.
Pinaagi niini, gitinguha sa BFP nga mapalig-on ang kahanduman sa mga negosyo sa paglikay ug pagresponde sa sunog ug uban pang emerhensiya sa komunidad.(JENIFFER JR. DELICA)
Source: BFP R9 Liloy Fire Station