Mipahigayon og flushing operation ang Dapitan City Fire Station sa bag-ong Dapitan City Public Market niadtong nilabay nga adlaw isip kabahin sa non-fire response activity aron maseguro ang kalimpyo sa palibot sa pagsugod sa operasyon sa maong merkado.
Gihimo ang kalihokan sa hangyo sa Local Government Unit sa Dapitan City ug gipangunahan sa mga personnel sa estasyon ubos sa liderato ni FSINSP Rommel M. Rojas, Acting City Fire Marshal.
Tumong sa flushing operation ang pagmintinar sa limpyo, hapsay ug himsog nga palibot alang sa mga tindero ug mamalitay sa bag-ong public market.
Padayon, matud sa Dapitan City Fire Station, ang ilang paghatag og serbisyo dili lamang sa pagresponde sa sunog kondili usab sa mga kalihokang makatampo sa kaluwasan ug kaayohan sa komunidad.(JENIFFER JR. DELICA)
Source: BFP R9 Dapitan City Fire Station