Nakabaton og bag-ong duha ka classroom ang Daniel Maing Integrated School sa Kalawit human pormal nga gitunol ni Third District Representative Ian “Cong. Amatong” Amatong ang maong school building nga gipondohan sa Department of Public Works and Highways o DPWH niadtong Hulyo 10.
Gipahigayon ang turnover ug blessing ceremony uban sa ribbon-cutting ug inspeksyon sa nahuman nga proyekto, nga gitambongan sa mga opisyal sa probinsya, lokal nga panggamhanan, Department of Public Works and Highways, mga opisyal sa eskwelahan, ginikanan ug mga estudyante.
Gilauman nga makatabang ang bag-ong pasilidad sa pagpakunhod sa kakulang sa mga classroom ug sa paghatag og mas luwas, mas komportable ug mas maayong palibot sa pagkat-on sa mga estudyante.
Matud ni Cong. Amatong, padayon niyang suportahan ang mga proyekto nga makapalig-on sa kalidad sa edukasyon, ilabina sa mga kabaryohan ug hilit nga lugar sa Tersero Distrito sa Zamboanga del Norte.(JENIFFER JR. DELICA)
Source: Zamboanga del Norte Provincial News Network