Mipahigayon og Morale and Spiritual Upliftment Activity ang mga personnel sa Liloy Municipal Fire Station ubos sa liderato ni FINSP Dave C. Dela Cruz, Acting Municipal Fire Marshal, niadtong Hulyo 6 aron mapalig-on ang ilang moral ug espiritwal nga kahimtang sa pag-alagad.
Pinaagi sa pag-ampo, pagpamalandong ug pagdasigayay, gihatagan og higayon ang mga bombero sa paglig-on sa ilang pagtuo ug pag-andam sa ilang pangisip ug pagbati alang sa mga hagit nga ilang giatubang isip mga responder.
Sumala sa estasyon, ang maong kalihokan nagpahinumdom sa mga personnel nga ang pag-alagad sa komunidad dili lamang usa ka katungdanan kondili usa usab ka responsibilidad nga angay buhaton uban sa integridad, pagtuo ug dedikasyon.(JENIFFER JR. DELICA)
Source: BFP R9 Liloy Fire Station