DAPITAN CITY — Dali nga mitubag ang personnel sa Dapitan City Fire Station sa usa ka vehicular accident sa Barangay Taguilon, diin usa ka indibidwal ang ilang natabangan.
Pag-abot sa lugar, nakita sa EMS team ang biktima nga nahigda sa daplin sa dalan ug adunay mga samad sa nawong, kamot, ug tuhod, apan conscious pa. Gilayon kini nilang gi-assess ug gihatagan og first aid lakip ang paglimpyo ug pagbalot sa mga samad.
Human makuha ug marekord ang vital signs, gidala dayon ang pasyente sa Dr. Jose Rizal Memorial Hospital alang sa dugang pag-atiman ug mas lawom nga pagsusuri.
Ang paspas nga aksyon sa BFP nagpakita sa ilang kahandaan sa pagresponde sa emergency ug sa padayon nga pagpanalipod sa kinabuhi sa komunidad.(JENIFFER JR. DELICA)
Source: BFP R9 Dapitan City Fire Station