Dapitan City – Dalí nga mitubag ang personnel sa Dapitan City Fire Station sa usa ka aksidente sa kadalanan nga nahitabo sa Barangay San Pedro niadtong Pebrero 25, 2026. Ang Emergency Medical Service team sa estasyon mihimo dayon og assessment sa usa ka indibidwal nga nakit-an nga walay panimuot ug nagahigda sa dalan.
Sumala sa inisyal nga pagtasa, ang pasyente adunay samad sa ulo, paso sa tuo nga paa, ug posibleng bali sa tuo nga pulso. Gihatagan dayon siya og first aid lakip ang paglimpyo sa samad, pagbutang og benda aron makontrol ang pagdugo, ug pag-immobilize sa pulso gamit ang splint.
Human makuha ug marekord ang vital signs, gidala ang pasyente sa Zamboanga del Norte Medical Center alang sa dugang medikal nga pag-atiman uban sa pagtugot sa iyang kauban.
Nagpadayon ang Dapitan City Fire Station sa paghatag og paspas ug propesyonal nga emergency medical response isip kabahin sa ilang mandato sa pagpanalipod sa kinabuhi ug kaluwasan sa komunidad.(JENIFFER JR. DELICA)
Source: BFP R9 Dapitan City Fire Station