Balhog karon sa prisohan homan ma-aresto ang usa ka 50 anyos na babaye atol sa gipatuman nga intelligence-driven operation sa mga personahe sa Kalawit Municipal Station (MPS) didto sa Sitio Munob, Barangay Daniel Maing, Kalawit, Zamboanga del Norte,mga ala 1:30 kahapunon Pebrero 22, 2026.
Naila ang dinakpan nga Babaye,50 anyos,minyo usa ka housewife ug residente sa Barangay Deboloc, Plaridel, Misamis Occidental kinsa gidakop pinaagi sa bisa sa Warrant of Arrest tungod sa krimen nga Concubinage ubos sa Criminal Case No. 3444-K nga giisyu ni Hon. Cherry Joy C. Concha-Ageas, Acting Presiding Judge sa Municipal Circuit Trial Court (MCTC), Ninth Judicial Region, Labason, Zamboanga del Norte, pinetsahan Agosto 1, 2008, nga adunay piyansa nga girekomendar nga balor sa P10,000.00.
Ang dinakpan gipahibalo sa iyang mga katungod sa konstitusyon ug anti-torture warning homan gidala gilayon kini sa Kalawit Rural Health Unit alang sa medical examination ug karon anaa na kini karon sa kustodiya sa Kalawit MPS alang sa hustong disposisyon.(MEDALYN U. BORJA)
Source: ZNPPO