Daling mihatag og aksyon ang Dapitan City Fire Station Shift A sa usa ka emergency medical service sa Barangay Barcelona niadtong Disyembre 26, 2025, ubos sa liderato ni Acting City Fire Marshal FSINSP Rommel M. Rojas, REE.
Pag-abot sa mga bombero, ilang nakit-an ang **30 anyos nga lalaki** nga wala’y panimuot, walay pulso ug walay pagginhawa, nga nagpasabot og posibleng cardiac arrest. Gilunsad dayon sa mga personnel ang cardiopulmonary resuscitation o CPR aron maluwas ang kinabuhi sa pasyente.
Tungod sa kritikal nga kahimtangan, gidala dayon ang pasyente sa Dr. Jose Rizal Memorial Hospital uban sa pagtugot sa iyang kauban. Padayon nga gihimo ang CPR atol sa biyahe aron masiguro ang walay hunong nga life-saving measures.(JENIFFER JR. DELICA)
Photo Courtesy: BFP R9 Dapitan City Fire Station