Mainiton nga giabi- abi sa Dapitan City Fire Station ang mga On-the Job Trainees (OJT) gikan sa Jose Rizal Memorial State University (JRMSU) atol sa Turnover Ceremony nga gipahigayon sa Hotel Pavilion, Dawo, dakbayan sa Dapitan, kaniadtong Oktubre 20, 2025.
Ang kalihokan nagtimaan sa pagsugod sa praktikal nga pagbansay sa mga estudyante sulod sa Bureau of Fire Protection (BFP), diin sila masinati sa disiplina, dedikasyon, ug tinuoray nga pagserbisyo publiko nga ginapakita sa mga bombero. Sa ilang training, gilauman nga makab-ot nila ang aktuwal nga kasinatian, ug mas lawom nga pagsabot sa papel sa BFP sa pagpanalipod sa kinabuhi ug kabtangan sa katawhan.
Gipasalamatan usab sa Dapitan City Fire Station si Mr. Hamilcar S. Monceda, RCrim., PhD, Associate Dean sa College of Criminology sa JRMSU, uban sa ilang mga magtutudlo, tungod sa ilang pagsalig ug padayon nga pakigtambayayong sa paghatag ug makatabang nga oportunidad sa pagkat-on alang sa mga kabatan-onang magbubuhat sa serbisyo publiko.
Ang maong inisyatiba nagpakita sa padayon nga pagpaningkamot sa Bureau of Fire Protection ubos sa liderato ni FSINSP Rommel M. Rojas, REE,sa pagpalig-on sa edukasyon, mentorship, ug community engagement nga nag-umol sa sunod nga henerasyon sa mga alagad sa katawhan nga may integridad, ug kahusayan.(Iken B. Gullem)
Source: BFP R9 Dapitan City Fire Station