Gipahibalo sa Bureau of Fisheries and Aquatic Resources (BFAR) nga luwas gihapon gikan sa toxic red tide ang Murcielagos Bay sa probinsya ug ang mga baybayon sa Sapang Dalaga ug Baliangao, Misamis Occidental, base sa pinakabag-ong Shellfish Bulletin No. 21 nga gipagawas niadtong bag-ohay lang.
Sumala sa BFAR, negatibo sa paralytic shellfish poison ang mga kinason sa maong lugar, samtang positibo gihapon kini sa pipila ka baybayon sa Zamboanga del Sur, Zamboanga Sibugay, ug Eastern Samar. Gidili gihapon ang pagpanguha ug pagpamaligya sa mga shellfish sa mga dapit nga apektado.
Gipasabot usab sa ahensya nga ang isda, nokus, pasayan, ug alimango magpabiling luwas kan-on kon kini presko, limpyo, ug tarong nga lutoon.(Jeniffer Jr. Delica)
Source/Photo Courtesy: Zamboanga del Norte Provincial News Network