Naghiusa ang Batayan United Farmers Irrigators Association (IA) sa ilang General Assembly sa opisina sa IA sa Barangay Batayan, Kalawit Zamboanga del Norte aron palig-onon ang panaghiusa ug paglambo sa organisasyon.
Ang kalihokan gi-facilitate sa mga personnel sa NIA Zamboanga del Norte Regional Sub-Office, ubos sa giya ug suporta sa NIA Regional Office IX, lakip na si Institutional Development Officer Glendie Tacuyan. Nagserbisyo kini nga plataporma alang sa mga myembro sa IA aron magbinayloay ug impormasyon, tan-awon ang updates, ug hisgutan ang mga importante nga isyu sa adlaw-adlaw nga operasyon sa asosasyon.
Gihisgutan sa miting ang mga polisiya sa Operation and Maintenance (O&M) ug mga guidelines sa husto nga paggamit ug pag-atiman sa farm machinery, aron masiguro ang episyente nga serbisyo sa irigasyon ug pag-amping sa kagamitan. Nagbinayloay usab ang mga myembro ug ideya sa pagpalambo sa kooperatiba, nga gilangkuban sa paglig-on sa organisasyon, paghatag ug dugang oportunidad, ug pagpaayo sa suporta alang sa mga mag-uuma.
Sa espiritu sa Pasko, nag-apod-apod ang IA ug mga giveaways isip pasalamat ug paghatag mainit nga selebrasyon sa assembly. Ang kalihokan nakapadugang sa panaghiusa, transparency, ug kooperasyon sa asosasyon samtang gipatibay sa mga myembro ang ilang dedikasyon sa pagpalambo sa sustainable agriculture ug community development sa Batayan.(IKEN B. GULLEM)
Source: NIA Zamboanga Peninsula