Gipatuman sa Polanco Municipal Police Station ang Barangay Symposium sa Barangay Linabo, Polanco, Zamboanga del Norte ubos sa pagpanguna ni PCPT Jeofferd S. Celestino, OIC.
Gipunting sa maong kalihokan ang pagpalig-on sa kahibalo sa mga residente bahin sa crime prevention, public safety ug community security aron mas maandam sila sa pag-atubang sa mga isyu sa kaluwasan sa ilang lugar.
Nahimo usab kining higayon alang sa dayalogo tali sa kapulisan ug komunidad, diin gidasig ang mga residente sa pagpakigtambayayong sa PNP aron mapalig-on ang seguridad sa barangay.
Pinaagi sa padayong community engagement sama sa maong symposium, gitumong sa Polanco MPS nga mapalambo ang kooperasyon tali sa kapulisan ug publiko alang sa mas luwas, malinawon ug lig-on nga komunidad.(JENIFFER JR. DELICA)
Source: PNP Polanco Municipal Police Station