Nakaabot sa 221 ka successful blood donors ang unang adlaw sa Mass Blood Letting Activity sa Polanco, nga milapas sa target nga 200 ka donors sa maong kalihokan.
Gipahigayon ang bloodletting sa Silawe Covered Court ubos sa pagpanguna sa Rural Health Unit, diin daghang Polancohanon ang miboluntaryo sa pagdonar og dugo alang sa mga nanginahanglan.
Pinaagi sa maong inisyatibo, gipasiugda ang dakong tabang sa blood donation sa pagluwas og kinabuhi. Gipasalamatan usab ang tanang donors ug volunteers nga mitampo sa kalampusan sa unang adlaw sa kalihokan.
Dili pa kutob dinhi ang bloodletting activity tungod kay ipadayon kini karong Septyembre 12 sa Obay Covered Court. Giawhag ang mga Polancohanon nga wala pa naka-donate ug kadtong gustong motampo sa maong inisyatibo nga moapil sa ikaduhang adlaw sa Mass Blood Letting.(JENIFFER JR. DELICA)
Source: Mayor Ying Uy