Gitinguhang mahimong mas lig-on nga tinubdan sa panginabuhian sa mga agrarian reform beneficiaries (ARBs) sa Leon B. Postigo ang bamboo handicraft enterprise human nadugangan ang production equipment sa Tinigguiban Farmers Agrarian Reform Cooperative (TFARCO).
Pormal nga giturn-over ngadto sa TFARCO ang mga kagamitan alang sa ilang Bamboo Handicraft Processing Center pinaagi sa panagtambayayong sa Department of Agrarian Reform (DAR) Zamboanga del Norte, Department of Trade and Industry (DTI) pinaagi sa Shared Service Facilities (SSF) Program, ug Technical Education and Skills Development Authority (TESDA).
Pinaagi sa bag-ong kagamitan, gilauman nga mas mapadali ang pagproseso sa kawayan ug mapalambo ang kalidad sa mga handicraft nga gihimo sa kooperatiba.
Dugang pa, makatabang kini sa pagpalapad sa produksyon ug paghatag og kahigayonan sa TFARCO nga makasulod sa mas dagkong merkado, nga mahimong moresulta sa dugang kita alang sa mga miyembro niini.
Aron masiguro nga mapuslanon ang mga kagamitan, mitampo usab ang TESDA sa skills development ug training alang sa mga miyembro sa kooperatiba, samtang ang DTI mitabang pinaagi sa SSF Program.
Mitambong sa turnover ceremony sila DTI Shared Service Facility Program Coordinator Jerry N. Muit, TESDA Administrative Officer V Fe R. Alcazar ug DAR Municipal Office Assistant Statistician Virginia A. Pasco.
Gipakita sa maong inisyatiba nga ang pagpalambo sa lokal nga kapanguhaan sama sa kawayan mahimong mahimong oportunidad alang sa mas lig-on nga panginabuhian, dugang kita ug mas malungtarong pag-uswag sa mga komunidad sa mga farmer-beneficiaries.(IKEN B. GULLEM)
Source: DAR Zamboanga del Norte Province